Elimizde Ónerkásiptik saiasat jónindegi vedomstvoaralyq komissiia qurylady. Bul týraly QR Parlamenti Senatynyń jalpy otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Birinshi - Ónerkásiptik saiasat jónindegi vedomstvoaralyq komissiia qurý. Búgingi tańda ónerkásiptik saiasatty ártúrli memlekettik organdar iske asyrady. Onyń tiimdi júrgizilýi úilestirilgen is-qimyldarǵa bailanysty. Sondyqtan Premer-Ministrdiń orynbasary tóraǵalyq etetin Vedomstvoaralyq komissiia qurylady, - dedi otyrysta Ónerkásiptik saiasat týraly» jáne oǵan ilespe zań jobasy týraly baiandama jasaǵan ministr.
Onyń atap ótýinshe, ekinshiden, biznes problemalaryna ýaqytyly den qoiý úshin Úkimetke yntalandyrýdyń jańa is-sharalaryn bekitý jáne qoldanystaǵy is-sharalardy qaita qaraý quzyreti beriledi.
«Úshinshiden, Memleket basshysynyń atyna engiziletin Qazaqstan Respýblikasy ónerkásibiniń jai-kúii týraly ulttyq baiandamany Úkimet qalyptastyrady. Ol ónerkásiptik saiasatty josparlaý men qalyptastyrýdyń basty quraly bolady», - dedi Beibit Atamqulov.
