Ónerkásiptik qaýipsizdiktiń jai-kúii edáýir alańdatady. Bul týraly Májilis tóraǵasynyń orynbasary, depýtat Balaim Kesebaeva málim etti, dep habarlaidy QazAqparat.
«El ekonomikasyndaǵy ónerkásiptik qaýipsizdiktiń jai-kúii edáýir alańdaýshylyq týǵyzyp otyr. Ónerkásiptiń neǵurlym qaýipti salalaryndaǵy jáne kóliktegi avariialyq deńgei joǵary bolyp qalýda. Tehnogendik tótenshe jaǵdailar kóbinese jabdyqtardyń paidalaný merziminiń asyp ketýine, qyzmet kórsetý men jóndeýdiń sapasyz júrgizilýine nemese ýaqtyly júrgizilmeýine bailanysty bolatyny anyq», - dedi B. Kesebaeva Májilistegi «Azamattyq qorǵaý júiesin damytý týraly» taqyrybyndaǵy Úkimet saǵatynda.
Sonymen qatar ol gidrotehnikalyq qurylysjailardyń qaýipsizdigi, órt qaýipsizdigin qamtamasyz etý jaǵdaiy kúrdeli bolyp turǵanyn atap ótti.
«Óńirlerdiń dúlei apattarǵa daiyndyq deńgeiiniń jetkiliksizdigi ministrliktiń aýmaqtyq bólimshelerinen jáne jergilikti atqarýshy organdardan tiisti aldyn alý sharalaryn kúsheitýdi talap etedi. Sondyqtan, búgin biz azamattyq qorǵaý júiesiniń aǵymdaǵy jai-kúiimen jáne damý perspektivalarymen ǵana tanysyp qoimai, sonymen qatar qoǵamnyń jáne depýtattardyń únemi nazarynda bolatyn osy saladaǵy qazirgi problemalardy talqylaýymyz qajet», - dedi depýtat.
