Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda aýyl sharýashylyǵy birinshi vitse-ministri A.Evniev agroónerkásiptik keshenniń óńdeý ónerkásibindegi eńbek ónimdiligin arttyrý boiynsha qabyldanǵan sharalar týraly baiandady, dep habarlaidy "Ult aqparat".
Osy jylyń 11 aiynda azyq-túlik ónimderin óndirý kólemi 1,7%-ǵa artyp, 1,4 trln teńgege jetti.
QR AShM derekteri boiynsha, 2018 jyldyń qańtar-qarasha ailarynda 2017 jyldyń sáikes kezeńimen salystyrǵanda un óndirisi 2,7%-ǵa, dándi daqyldar 17,8%-ǵa, margarin — 6,9%, shujyq ónimderi — 0,6%, óndelgen sút — 8%, qatty irimshik — 15,1%, óńdelgen jáne konservilengen jemister men jańǵaqtar — 82%, kreker jáne pechene óndirisiniń kólemi 5,1%-ǵa artqan.
«2018 jyldyń qańtar-maýsym ailarynda eńbek ónimdiligi $13,3 myń/adamdy qurady. Óńdelgen aýyl sharýashylyǵy ónimderiniń eksporty $707,1 mln boldy, ótken kezeńmen salystyrǵanda 13%-ǵa ósken», — dedi A. Evniev.
Aita ketý kerek, AÓK damytýdyń memlekettik baǵdarlamasynda maqsatty indikatorlardyń biri azyq-túlik óndirisindegi negizgi kapitalǵa salynǵan investitsiialardyń naqty kólem indeksiniń 2015 jylmen salystyrǵanda naqty kórsetkishte 22%-ǵa ósýi bolyp tabylady.
