Kógaldandyrýdan kesenege keler qaýip joq. Bul týraly ortalyq kommýnikatsiialar qyzmetinde ótken brifingte Túrkistan oblysynyń ákimi Ómirzaq Shókeev aityp ótti, dep habarlaidy QazAqparat.
Q.A.Iasaýi kesenesine qatysty áleýmettik jelide qyzý talqylanyp jatqan máselege óńir basshysy pikir bildirdi.
«Mundai pikirler aitylyp turady. Kesene aýmaǵyndaǵy 88 gektar jerge eshqandai ǵimarat salynbaidy. Tek kógaldandyrý jumystary júrgizildi. Qazirgi kógaldandyrylǵan jerde burynda ártúrli gúlder men taldar egilgen bolatyn. Biz sol jerge gazon ektik. Artyndaǵy topyraǵy shyǵyp jatqan jerdi botanikalyq baq jasadyq. Bul - IýNESKO-nyń qaramaǵyndaǵy kesene. Sondyqtan barlyq jobalar solarmen kelisilip jasalady», - dedi Shókeev.
Sondai-aq oblys ákimi Túrkistanǵa keletin týristerge de jaǵdai jasalý kerektigin jetkizdi.
«Bizde ǵalymdarmen aqylasyp jasaimyz. Eshqandai ziian kelip jatqan joq. Keibir adamdar úiinde jatyp, pikir aitady. Dálelin aitsyn, soǵan sai sóilesetin bolamyz» - dedi Shókeev.
