«Samuryq-Qazyna» kompaniialar toby «Memlekettik tapsyrys-2017» naýqany aiasynda almatylyq innovatsiialyq kásiporyndarmen 5 mlrd teńge kóleminde kelisimge qol qoidy.
Biyl «Memlekettik tapsyrys» naýqany onynshy ret ótkizilip otyr, basymdylyq munai óndirý jáne aqparattyq ónimder salasyna berildi. Qordyń 12 portfeldik kompaniialar ókilderi konstrýktorlyq sheshimderdiń kórsetilimi barysynda kóptegen jobalardy qarady, olardyń keibiriniń Qazaqstanda balamasy joq, ári satyp alý qurylymynda sheteldik kompaniialardyń qymbat usynystarynyń orynyn basa alady.
Mysaly, «ITP» AEA ekinshi kezeńiniń aýmaǵynda jańa nysandar iske qosyldy: "KBTU Drilling Centre" oqý-jattyǵý ortalyǵy jáne «Qazaqstan teńiz akademiiasy». Bul teńiz qairańynda burǵylaý mamandaryn daiarlaýdy qamtamasyz etýge múmkindik berip, mamandardy shetelge jiberýdiń qajettigin joiatyn joǵary tehnologiialyq jabdyqtarmen qamtylǵan zamanaýi ortalyqtar.
«QMG quramynda burǵylaý institýtyn quryp, barlaý jáne óndirý salasynda qazirdiń ózinde naqty nátijege qol jetkizdik. Burǵylaý institýty burǵylaý qondyrǵylarynda barlyq biznes-protsesterine reinjiniring júrgizdi jáne tek qana burǵylaý protsesin, tehnologiialar tańdaý jáne jer jabdyqtaryn paidalanýdy ońtailandyrý arqyly bizdiń eski ken oryndarymyzda kóp qarjy salmastan qazba-bailyq óndirýdi aitarlyqtai jaqsartýǵa bolatyndyǵyn is júzinde dáleldep berdi. Eger osy nátijelerdi QMG barlyq ken oryndaryna engizer bolsaq, sarapshylardyń esebi boiynsha jylyna 6-7 mln tonna kóleminde qosymsha óndirýge bolady. Bul transformatsiianyń naqty nátijesi bolyp tabylady», - dedi «Samuryq-Qazyna» AQ basqarma tóraǵasy Ómirzaq Shókeev.
Óz kezeginde, «Óndirý jáne burǵylaý tehnologiialary ǵylymi-zertteý institýty» JShS bas direktory Djon Richard Dennis «burǵylaýdyń jattyǵý qurylǵysyn praktikada qoldaný, jumys sapasynyń standarttaryn jańa deńgeige kóterýge múmkindik beredi. Buryn shetelderde qymbat mamandar daiarlaýǵa jumsalǵan shyǵyndar aitarlyqtai qysqaratyn bolady jáne jaraqat alýǵa bailanysty táýekelder barynsha azaityldy» dedi.
"Ult aqparat"
