BQO sanitarlyq-epidemiologiialyq baqylaý departamenti basshysynyń orynbasary Gúldana Kereevanyń óńirlik kommýnikatsiialar qyzmeti alańynda málim etkenindei, sonyń ishinde Mysyrdan 69, Ulybritaniiadan 19, Italiiadan 13, Germaniiadan 11 adam kelgen.

Álemde «Omikron» shtamynyń taralýyna bailanysty olardyń barlyǵy turǵylyqty jeri boiynsha meditsinalyq baqylaýǵa alyndy.

G.Kereevanyń sózine qaraǵanda, «Omikron» shtamy 106 elde anyqtaldy. Sońǵy derekter boiynsha jańa shtamm Japoniia, Braziliia, Aýstriia, Chehiia, Germaniia jáne basqa memleketterde tirkelgen. Kórshiles Reseide 41 adamnyń osy dertke ilikkeni málim boldy.

«Oblys aýmaǵynda «Omikron» shtamy tabylǵan joq. Degenmen COVID-19 epidemiologiialyq qadaǵalaý júiesinde SARS-COV-2 jańa nusqalaryn ýaqtyly anyqtaýdyń mańyzdylyǵyn eskere otyryp, kovid tabylǵan naýqastardyń oń nátije qorytyndylary Nur-Sultan qalasyndaǵy Ulttyq saraptama ortalyǵyna jiberildi. Bular zerttelýde», dedi Kereeva.

Onyń aitýynsha, 1 jeltoqsannan beri 280 adamnan indet tabyldy. Ótken aidyń osy merzimimen salystyrǵanda, aýrý juqtyrý kórsetkishi 2,2 esege azaidy. Al sońǵy aptada (17-23 jeltoqsan) aldyńǵymen (10-16 jeltoqsan) salystyrǵanda, 28,7 paiyzǵa (80-nen 57-ge) tómendedi.

«Jeltoqsan aiynda 37 oqýshy jáne 8 muǵalimnen, sondai-aq joǵary oqý oryndarynda bilim alatyn 2 stýdentten koronavirýs anyqtaldy. Olardyń bári de infektsiiany óz úiindegi týystarynan juqtyrǵan», dedi Kereeva.