6 qarasha kúni Resei Federatsiiasynyń Omby qalasynda Resei men Qazaqstan jastar kóshbasshylarynyń birinshi forýmy óz jumysyn bastady, dep habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
Bul shara eki eldiń XVI aimaqaralyq yntymaqtastyq forýmy aiasynda ótip jatyr. Jastar jiyny eki kúnge sozylady.
Forýmnyń ashylý saltanatynda qazaqstandyq tarapty Aqparat jáne qoǵamdyq damý ministrliginiń Jastar isi jáne otbasy komitetiniń tóraǵasy Madiiar Qojahmet tanystyrdy. «Bizdiń jastarymyz mentaldyq, mádeni jáne tildik qarym-qatynasta bir-birine etene jaqyn. Bolashaq urpaq Resei men Qazaqstan halqyn qurmetteitin dostyq pen odaqtastyqtyń igi dástúrlerin saqtap, nyǵaitýy mańyzdy», - dep atap ótti komitet tóraǵasy. Sondai-aq Madiiar Qojahmet jastar saiasaty salasyndaǵy negizgi mindet jastarǵa ár salada jol ashyp, bolashaqta myqty maman bolyp qalyptasý úshin jaǵdai jasaý qajet degen pikirin bildirdi.
Bul rette memlekettiń maqsaty - jastardyń qoǵamǵa qajetti toptaryn qamtyp, olarǵa óz múmkindikterin tolyq kórsete alatyn «áleýmettik lift»qurý basty mindet. Bul úshin Qazaqstanda «memlekettik jastar saiasaty týraly» Zań jáne 2020 jylǵa deiingi memlekettik jastar saiasatynyń Tujyrymdamasy ázirlenip, jumys isteýde. Júielik negizde baǵdarlamalyq qujattar men jobalar iske asyrylyp jatyr.
Forým jumysyna júzden asa jas qatysyp jatyr. Olar memlekettik organdar men úkimettik emes uiymdardyń ókilderi, volonterler, eki eldiń JOO oqytýshylary men stýdentteri, sondai-aq jýrnalister men blogerler.
Forým baǵdarlamasynda eki eldiń jas diplomattarynyń kezdesýi jáne jastar saiasatyn júzege asyrýǵa jaýapty Resei men Qazaqstannyń atqarýshy bilik organdary basshylarynyń jumys keńesi ótedi dep josparlanǵan.
Forým qorytyndysy boiynsha Resei men Qazaqstannyń jastar qoǵamdyq uiymdary arasyndaǵy yntymaqtastyq týraly eki jaqty kelisimge qol qoiý josparlanǵan.
Bul sharanyń maqsaty - Resei men Qazaqstan jastary arasyndaǵy dialog formattaryn keńeitý, yntymaqtastyq baǵyttarynyń keń qanat jaiýýyna múmkindik jasaý.
