.jpg)
Foto: pm.kz
Premer-Ministr Oljas Bektenov Memleket basshysynyń Joldaýy Úkimet pen búkil qazaqstandyq qoǵam úshin strategiialyq baǵdar bolyp tabylatynyn atap ótti.
«Joldaý bizge taiaý merzimge arnalǵan maqsat-mindettermen qatar nysanaly kórsetkishteri jáne indikatorlary belgIlengen naqty is-qimyl algoritmin aiqyndap berdi. Árbir tarmaqtyń oryndalýy qatań baqylaýda bolady. Bul rette qorytyndy nátijege, onyń ekonomikaǵa tiimdiligine basa nazar aýdarylady. Azamattardyń tabys deńgeiin arttyrý Úkimet jumysynyń ózgermeitin basty maqsaty. Kásipkerlikti damytý, halyqty jumyspen qamtý úshin qolaily jaǵdailar jasaý jáne memlekettik biýdjetti utymdy bólý aitarlyqtai ekonomikalyq órleýge qol jetkizýge múmkindik beredi. Bul rette Memleket basshysy atap ótkendei, «ekonomika ósken saiyn áleýmettik teńsizdik azaiyp, orta tap kúsheie túsýi kerek», — dep atap ótti Oljas Bektenov.
Memleket basshysy ekonomikanyń naqty sektoryn damytýǵa erekshe kóńil bóldi. Bul ónerkásip, energetika, gaz salasy, kólik kesheni, ekologiia jáne tsifrlandyrý máseleleri. Prezidenttiń tapsyrmalaryn iske asyrý úshin Premer-Ministr ekonomikanyń naqty sektory boiynsha birqatar naqty mindetterdi belgiledi.
«Memleket basshysy tereń óńdeý klasterlerin qurý jónindegi árbir iri joba boiynsha óz shikizatymyz ben qural-jabdyqtarymyzdy barynsha paidalaný mańyzdy ekenin atap ótti. Osyǵan bailanysty ekonomika ministrligi salalyq memlekettik organdarmen birlesip, otandyq óndirýshilerdi qoldaý máselelerin neǵurlym belsendi ilgeriletýdi jáne sabaqtas óndiristerdi qura otyryp, klasterlik júieni damytýdy eskere otyryp, árbir jobany iske asyrýdyń naqty josparyn jańartýy qajet. Avtomobil ónerkásibi boiynsha Ónerkásip ministrligine óndiristerdi lokalizatsiialaý deńgeiin belsendi arttyrýdy tapsyramyn», — dep atap ótti Oljas Bektenov.
Elimizdi gazben qamtý máselesi boiynsha gaz resýrstaryn utymdy bólýge basty nazar aýdarylýy tiis. Osyǵan bailanysty Úkimet basshysy taldaý júrgizý jáne qandai energiia obektileri gazǵa aýystyrylatynyn aiqyndaý qajettigin atap ótti.
Jańa gaz óńdeý qýattaryn salý úshin Energetika ministrligine investitsiialyq sheshimder qabyldaýdy jedeldetý tapsyryldy. Eldiń energetikalyq qaýipsizdigin qamtamasyz etý jónindegi mindetterdi oryndaý úshin qarjylyq damý institýttarymen birlesip 1 qarashaǵa deiin jańa generatsiia obektileriniń qurylysyna uzaq merzimdi kredit berý tetikterin ázirleý qajet.
Sondai-aq Energetika ministrligi múddeli memlekettik organdarmen birlesip 6 qazanda respýblikalyq referendýmdy uiymdastyrý jáne sapaly ótkizý jóninde sharalar qabyldaýy qajet.
Ulttyq ekonomika ministrligine múddeli memlekettik organdarmen birlesip biylǵy 1 qarashaǵa deiin Úkimetke Energetikalyq jáne kommýnaldyq infraqurylymdy jańǵyrtý jónindegi ulttyq jobany bekitý jónindegi qaýly jobasyn engizý tapsyryldy.
«Memleket basshysy kelesi jyldan bastap naqty tutyný normalaryn engizý qajettigin atap ótti. Sondyqtan adamdardy resýrstardy utymdy paidalanýǵa yntalandyrý kerek. Ulttyq ekonomika ministrligi biylǵy jyldyń sońyna deiin tabiǵi monopoliialar salalarynda rettelip kórsetiletin kommýnaldyq qyzmetterdi tutyný mólsherine qarai tutyný normalaryn engizsin», — dep tapsyrdy Oljas Bektenov.
Premer-Ministr kólik-logistika sektorynyń máselelerine nazar aýdaryp, kólik infraqurylymyn qoldaý men damytý úlken investitsiialardy tartýdy talap etetinin eskertti. Osyndai sharalardyń biri – «Qazaqstan temir joly» kórsetetin qyzmetterdiń tarifterin qaita qaraý. Soǵan orai, «Samuryq-Qazyna» qory Kólik ministrligimen birge júkterdi temirjol kóligimen tasymaldaýdyń jańa tariftik saiasatyn ázirleýi qajet.
Oblysaralyq jáne aýdanaralyq baǵyttardaǵy joldardy ortasha jóndeýdi qamtýdy ulǵaitý úshin kólik ministrligine osy jyldyń 1 jeltoqsanyna deiin naqty jobalardy, kórsetkishterdi jáne qarjylandyrý kózderin aiqyndai otyryp, egjei-tegjeili jospar ázirleý tapsyryldy. Qarajattyń maqsatqa sai jumsalýyn baqylaýdyń bári jáne osy jumystardyń monitoringi Biryńǵai tsifrlyq platforma arqyly júrgizilýge tiis.
Budan basqa, Kólik ministrligine Ónerkásip ministrligimen jáne «Báiterek» holdingimen birlesip shaǵyn áýe kemelerin satyp alý tetikterin pysyqtaý tapsyryldy.
