«Halyq únine qulaq asatyn memleket» tujyrymdamasyna sáikes Sybailas jemqorlyqqa qarsy is-qimyl agenttigi tóraǵasynyń birinshi orynbasary Oljas Bektenov Qyzylorda oblysyna jumys sapary barysynda Qyzylorda qalasy men Tasbóget kentindegi servistik ákimdikterdiń jumys barysymen tanysty, dep habarlaidy "Ult aqparat" vedomstvonyń baspasóz qyzmetine silteme jasap.
Azamattardyń qajettiligine baǵdarlaný – sybailas jemqorlyqqa qarsy saiasattyń mańyzdy bóliginiń biri.
Osy turǵydan alǵanda, ashyqtyq, aiqyndyq jáne eseptilik arqyly memlekettik apparatty transformatsiialaý mańyzdy ról atqarady.
2020 jyldyń qorytyndysyna sáikes Qyzylorda oblysy boiynsha barlyq qala, aýdan ákimdikteri servistik qyzmet kórsetýge kóshti.
Qyzylorda qalasyndaǵy servistik ákimdikte 6 bólim birneshe memlekettik qyzmet túrin kórsetedi. Kabinetter «Open space» formatynda jumys isteidi.
Shara barysynda «Turmystyq sybailas jemqorlyq azamattar úshin qolaily jaǵdai jasalmaǵan jerde taralady. Azamattar zańdy kómek alý úshin memlekettik qyzmetshige syilyq bermeýi tiis. Adaldyq, ashyqtyq pen ádildik – ár memlekettik qyzmetshiniń buljymaityn qaǵidasyna ainalýy tiis», - dep atap ótti Oljas Bektenov.
Sondai-aq, turǵyndar «bir tereze» qaǵidaty boiynsha azamattarǵa jedel jáne kedergisiz qyzmet kórsetýge baǵdarlanǵan jergilikti servistik ákimdiktiń jumysyn oń baǵalady.
