Foto: Tengrinews.kz
Shymkenttegi perzenthananyń janyndaǵy jarylystan keiin úsh balasy bar jergilikti turǵyn pátersiz, kóliksiz jáne garajsyz qaldy, - dep habarlaidy Tengrinews.kz tilshisi.
Shahnoza Abdýhabradova jarylys bolǵan aýrýhanaaralyq dárihanaǵa qarama-qarsy úide turady. Tótenshe jaǵdai kezinde ol balalary men anasymen birge páterde bolyp, tańǵajaiyp jaǵdaida tiri qaldy.
Jarylystyń saldarynan shymkenttiktiń bes bólmeli páteri men kóligine zaqym keldi. Sondai-aq garajy da buzyldy.
"Jarylys kezinde balalarymmen jáne anammen birge úide boldym. Tańerteń saǵat 11-de men jarylysty estidim, basynda jer silkinisi dep oilap qaldym. Biz birden úiden shyqtyq. Syrtqy shyqsam, qiraǵan ǵimarattyń synyqtary meniń kóligim turǵan garajǵa qulaǵan eken. Odan bólek, úiimniń bir bólmesi qatty zardap shekti. Esikter men qabyrǵa qirap tur", - dedi ol.
"Garajda bolǵan tapsyrysqa qajetti ydys-aiaqtan túk qalmaǵan. Garajdyń tóbesi tolyǵymen qulady. Ózim ústel bezendirýmen ainalysamyn. Endi jumysym da toqtap tur", - deidi Abdýhabradova.
Shahnozanyń aitýynsha, qazir páterde turý qaýipti. Ótkir iis, qiraǵan qabyrǵalar maza bermeidi. Qazir zardap shegýshini tolǵandyratyn basty másele - onyń búlingen múlkin kim qalpyna keltiredi.
"Biz bir ólimnen aman qaldyq. Munyń bárin kim qalpyna keltiretinin, oǵan kim jaýap beretinin bilmeimin. Men de bilmeimin. Qazir barlyǵy bir-birine siltep, jaýapkershilik alýdan qashyp jatyr", - dep shaǵymdandy ol.
Eske salaiyq, keshe Shymkentte perzenthana mańynda jarylys boldy. Jarylystan qaza tapqandar sany úsheýge jetti.
