Foto: instagram/pso_dos.kst_
Qostanai oblysynda 7 tamyzda úiinen ketip, 10 tamyzda óli tabylǵan bes jasar Mádina Erlanqyzynyń otbasyna materialdyq kómek kórsetiledi, - dep habarlaidy Massaget.kz.
Bul týraly Qostanai oblysynyń ákimi Arhimed Muhambetov aitty. Oblys ákimi Mádina Erlanqyzynyń otbasy men týystaryna qaiǵyryp kóńil aitty.
"Bul tek olar úshin emes, búkil oblys úshin qaiǵyly jait. Biz bárimiz balany aman-esen taba alamyz dep úmittengen edik. Ókinishke qarai, oilaǵanymyz bolmady. Eriktilerge, quqyq qorǵaý organdarynyń qyzmetkerlerine, oblys turǵyndaryna izdeý jumystaryna belsendi qatysqany úshin alǵysymdy bildiremin. Qostanai aýdanynyń ákimine jerleý rásimin uiymdastyrýǵa jáne materialdyq kómek kórsetýge tapsyrma berdim", - dep jazdy oblys ákimi.
Eske salaiyq, buǵan deiin Qostanai oblysynda 7 tamyzda úiinen shyǵyp ketken 5 jasar qyz izdestirilgen bolatyn. Mádina keshe, 10 tamyzda óli tabyldy. Izdeý jumystaryna 500-den asa politsei, tikushaqtar, sondai-aq Ulttyq ulan men shekaradaǵy áskeri qyzmetkerler jumyldyryldy. Myńdaǵan adam qyzdy Jambyl aýylyna irgeles egistik alqaptardan izdedi.
