Bul týraly sportshy telefon arqyly Rio-de-Janeirodan habarlady. Ol barlyǵyna qoldap, quttyqtaǵandary úshin rahmet aityp, Olimpiada oiyndaryna daiyndyq barysynda kómek kórsetken oblys ákimi Danial Ahmetovke erekshe alǵysyn bildirdi.
Braziliiada ótken Olimpiada oiyndarynda úsh attap sekirýden qola medaldi jeńip alǵan Olga Rypakova, tamyz aiynyń 24-i men 27-si aralyǵynda shveitsariialyq Lozannada ótetin «Brilliant ligasyna» qatysady.
ShQO ákimi Danial Ahmetov Olga Rypakovany qola medaldi jeńip alǵan kúni quttyqtady. «Olimpiada oiyndarynda kezekti medaldi jeńip alýyńyzben shyn júrekten quttyqtaimyn! Halyqaralyq sport arenasynda bul medaldiń Qazaqstan úshin mańyzy zor. Sizdiń Olimpiada oiyndarynda kórsetken joǵary kórsetkishterińiz ósip kele jatqan sportshylar úshin úlgi-ónege. Ózińizge jarqyn jeńister, alda áli de talai biik shyńdardy baǵyndyrýyńyzǵa tilektespin!», - dedi Danial Ahmetov.
Rio-de-Janeirodan sportshy barlyǵyna qoldaý kórsetip, quttyqtaǵandary úshin alǵysyn bildirdi. «Barshalaryńyzǵa meni qoldap, quttyqtap jatqandaryńyz úshin úlken rahmet! Olimpiada oiyndaryna daiyndyq barysynda kóp kómek kórsetken oblys ákimine erekshe alǵys aitqym keledi», – dedi Olga Rypakova.
Aita ketý kerek, sapaly jattyǵý barysy úshin kelisimshart negizinde Respýblikanyń úzdik dárigerleri men keńesshileri tartyldy. Sportshynyń jeke jattyqtyrýshylary men mamandarynyń respýblikadaǵy, shetelderdegi, sonyń ishinde Rioda ótetin Olimpiada oiyndaryna qatysý máselesi sheshildi.
Oblystyq dene shynyqtyrý-sport dispanseri tolyq kólemde meditsinalyq qoldaýmen qamtydy. Sonymen qatar, ákimniń ai saiynǵy stipendiiasy tóleý máselesi sheshildi.
