Grek jeńilatleti Hrisopiia Devettsi úsh attap sekirýden Beijińdegi 2008 jylǵy Olimpiadanyń qola medalin jeńip alǵan bolatyn. Endi onyń qanynda tyiym salynǵan zattyń bolǵany anyqtalyp otyr. Bul týraly Inside The Games basylymy Halyqaralyq jeńil atletika federatsiiasynyń búgin, 28 qyrkúiekte shyǵarǵan sheshimine silteme jasap habarlady.
Osylaisha Olimpiadanyń qola medali osy týrnirde tórtinshi oryn alǵan qazaqstandyq Olga Rypakovaǵa beriledi. Bul onyń Olimpiadalardaǵy úshinshi medali: 2012 jyly Rypakova altyn medal, al 2016 jylǵy Rioda qola medal jeńip alǵan bolatyn.
Doping-synamalardy qaita tekserýde Devettsetidiń aǵzasynda stanozolol degen anobolikalyq steroidynyn baryn kórsetken. Aita keteiik, bul preparat qazaqstandyq aýyratletterden de tabylǵan edi. 2009 jyly grek sportshysy doping-tekserýden ótýden bas tartyp, eki jylǵa sporttan shettetilgennen keiin sportpen qosh aitysqan.
