گرەك جەڭٸلاتلەتٸ حريسوپييا دەۆەتتسي ٷش اتتاپ سەكٸرۋدەن بەيجٸڭدەگٸ 2008 جىلعى وليمپيادانىڭ قولا مەدالٸن جەڭٸپ العان بولاتىن. ەندٸ ونىڭ قانىندا تىيىم سالىنعان زاتتىڭ بولعانى انىقتالىپ وتىر. بۇل تۋرالى Inside The Games باسىلىمى حالىقارالىق جەڭٸل اتلەتيكا فەدەراتسيياسىنىڭ بٷگٸن, 28 قىركٷيەكتە شىعارعان شەشٸمٸنە سٸلتەمە جاساپ حابارلادى.
وسىلايشا وليمپيادانىڭ قولا مەدالٸ وسى تۋرنيردە تٶرتٸنشٸ ورىن العان قازاقستاندىق ولگا رىپاكوۆاعا بەرٸلەدٸ. بۇل ونىڭ وليمپيادالارداعى ٷشٸنشٸ مەدالٸ: 2012 جىلى رىپاكوۆا التىن مەدال, ال 2016 جىلعى ريودا قولا مەدال جەڭٸپ العان بولاتىن.
دوپينگ-سىنامالاردى قايتا تەكسەرۋدە دەۆەتتسەتيدٸڭ اعزاسىندا ستانوزولول دەگەن انوبوليكالىق ستەرويدىنىن بارىن كٶرسەتكەن. ايتا كەتەيٸك, بۇل پرەپارات قازاقستاندىق اۋىراتلەتتەردەن دە تابىلعان ەدٸ. 2009 جىلى گرەك سپورتشىسى دوپينگ-تەكسەرۋدەن ٶتۋدەن باس تارتىپ, ەكٸ جىلعا سپورتتان شەتتەتٸلگەننەن كەيٸن سپورتپەن قوش ايتىسقان.
