Olimpiada chempiony Daniiar Eleýsinovtiń promoýteri Eddi Hirn qazaqstandyq boksshynyń kásipqoi bokstaǵy birinshi kezdesýi aldynda onyń darynyna tánti bolyp, Eleýsinovti WBA (Super), IBO, WBC jáne IBF tujyrymdary boiynsha orta salmaqtaǵy álem chempiony Gennadii Golovkinmen salystyrdy, - dep habarlaidy Vesti.kz.
"Sizderdiń myna jigittiń qanshalyqty daryndy ekenin bilmeisizder. (...) Ol kelesi Gennadii Golovkin emes, ol - Daniiar Eleýsinov. Bul jigit - Qazaqstannyń "altyn balasy". Qazirgi ýaqytta Golovkinmen salystyrǵanda, ol tanymaldylyǵy jóninen múlde basqa. Ol erekshe daryn, ol orta salmaqtaǵy álem chempiony bolady. Osy jigitti qalai taptym deseńizder? Teledidardan onyń jekpe-jegin kórip, sol jaily surastyra bastadym.
Sodan birden Qazaqstanǵa ushyp keldim, kelisimshart jasastyq. AQSh-ta, Ulybritaniiada, Monakoda jekpe-jekter ótkizedi. Álem boiynsha óner kórsetedi. Eýropalyq jankúierlerdiń ǵana emes, búkil álemniń bokssúier qaýymynyń júregin jaýlap alady", - dedi Eleýsinovtiń promoýteri AB BOXING NEW basylymyna bergen suhbatynda.
Aita keteiik, búgin Daniiar Eleýsinov kásipqoi bokstaǵy birinshi kezdesýi aldynda ashyq jattyǵý ótkizdi. Otandasymyzdyń kásipqoi bokstaǵy birinshi qarsylasy amerikalyq Noa Kidd (3-0-1, 2 KO) bolady. Olardyń jekpe-jegi 28 sáýirde Niý-Iork qalasyndaǵy "Barklais" sport kesheninde orta salmaqta óner kórsetetin amerikalyq Deniel Djeikobs (33-2, 29 KO) pen polshalyq Matsei Sýletski (26-0, 10 KO) arasyndaǵy kezdesýdiń anderkartynda ótedi.
