Jedel járdem júrgizýshisin soqqyǵa jyqqan er adam qarsy aryzdanbaǵan, dep habarlaidy QazAqparat tilshisi.
Bul týraly qalalyq IID baspasóz hatshysy Evgenii Lysenko aitty.
«Is materialdaryna video engizilgen. Beinekadrda túrik azamatynyń birinshi kep urǵany aidan anyq kórinip tur. Ony ustaǵan kezde de «jedel járdem júrgizýshisi birinshi qol kóterdi» degen bolatyn. Biraq, videoda bári túsinikti dep oilaimyn. Jedel járdem júrgizýshisine qarsy aryz jazylǵan joq. Tergeý amaldary júrip jatyr. Qalai tergeý aiaqtalady, is materialdary sotqa beriledi», - dedi ol.
Eske sala ketsek, keshe Almatyda jolǵa talasqan azamat jedel járdem júrgizýshisin soqqyǵa jyqqan bolatyn. Sol kúni Almaty politsiiasy 1990 jyly týǵan Túrkiia azamatyn, iaǵni Folksvagen Passat kóliginiń júrgizýshisin ustady.
13 jyldan beri jedel járdemde jumys isteitin Nikolai Kýchma ashýshań júrgizýshini jazasyz qaldyrmaýǵa bekinip otyr.
