Foto:elements.envato.com
Prokýratýra 1-synypqa baratyn 42 oqýshyǵa mantýdyń ornyna týberkýlezge qarsy tiri vaktsinany salý isine qatysty tergeýdi bastady. Bul týraly Aqtóbe qalasy Almaty aýdanynyń prokýrory Jasulan Dáýlembaev aityp berdi, - dep habarlaidy Tengrinews.kz.
"Aqtóbedegi mektepte balalardyń mantý synamasynyń ornyna vaktsina salý deregi boiynsha Aqtóbe qalasynyń Almaty aýdandyq politsiia bólimi Qylmystyq kodekstiń 317-baby boiynsha sotaldy is júrgizýdi bastady, ol meditsinalyq qyzmetkerdiń kásibi mindetterin tiisinshe oryndamaǵany úshin jaýapkershilikti kózdeidi", - dedi Dáýlembaev.
Qajetti saraptamalar taǵaiyndalǵan. Isti oblys prokýrory óz baqylaýyna aldy.
Eske salaiyq, Aqtóbede 1-synypqa baratyn 42 oqýshyǵa mantýdyń ornyna týberkýlezge qarsy tiri vaktsinany salǵan. Bul qateni ata-analar eki apta ótken soń bir-aq bilgen.
Astana telearnasynyń málimetinshe, №74 orta mekteptiń 42 oqýshysynyń jaqyndary jaýapsyz meditsina qyzmetkerlerin jazalaýdy talap etip otyr. Ata-analardyń aitýynsha, balalardyń kóbi ózderin jaisyz sezinedi. Ekpe salǵan dene bóligi qatty isip, irińdegen. Tipti qolyn kótere almai qalǵandary da bar. Balalarǵa mantýdyń ornyna iyqqa salatyn tiri vaktsina egilgeni anyqtalǵan.
