Mektep oqýshylary úshin qosymsha 300 myń kompiýter satyp alynady. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Balalardy qashyqtan oqytý úshin 435 myń kompiýter ýaqytsha berildi. Bul máselemen ákimdikter ainalysyp jatyr. Jaqyn ýaqytta taǵy da 300 myńnan astam kompiýter jetkiziledi. Olardy da muqtaj azamattarǵa, balalarǵa beriletin bolady. Osy jumysty ary qarai jalǵastyramyz», - dedi ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, elimizde ortasha eseppen 2 mln sabaq júrgiziledi.
«Kún saiyn balalar 70-80 mln ret onlain sabaqtardy bilim berý platformalarynan kórip otyr. Bul óte úlken kórsetkish. Bir aptada 12 mln jeke qoldanýshy internet platformalardy paidalanǵan. Endi aptasyna 6 kún sabaq oqidy esek, kúnine 2 millionǵa jýyq adam atalǵan platformalarǵa kirip, tiisti jumysyn istep jatqanyna kózimiz jetedi. Mysaly, Kúndelik platformasyna ǵana kúnine 700 myń baǵa qoiylady. Kúnine bir million tapsyrma beriledi. Munyń bári sabaqtyń júrgizilip jatqanyn jáne áriptesterimizdiń úlken eńbek atqaryp jatqanynyń belgisi», - dedi Ashat Aimaǵambetov.
