Mańǵystaýlyq oqýshylar mektep bitirgende dombyrada 10 kúi oinaityndai bolýy tiis. Bul týraly Mańǵystaý oblysynda ótken tamyz konferentsiiasynda oblys ákimi Serikbai Trumov málim etti, dep habarlaidy oblys ákiminiń baspasóz qyzmeti.
«Memleket basshysy Qasym-Jomart Toqaev dombyrany mektepterde balalarǵa úiretý qajettigin aitty. Osyǵan qarai ulttyq ónerdi nasihattaý maqsatynda oqýshylarǵa arnalǵan dombyra úiirmelerin kóptep ashýdy kózdeitin «Dombyra-dastan» jobasyn júzege asyrýdy tapsyramyn. Osylaisha, mańǵystaýlyq oqýshylar mektep bitirgen kezde kem degende 10 kúidi úirenip shyǵýy tiis dep oilaimyn. Árine, bul shara júzege asyrylsa, ata-analar da riza bolary sózsiz», - dedi oblys basshysy konferentsiia barysynda.
Jiynda oblys ákimi sondai-aq oqýlyqtar sapasyn kóterý, bilim oshaqtaryn materialdyq qundylyqtarmen jabdyqtaý, ustazdardyń biliktiligin arttyrý siiaqty bilim salasyna qatysty ózge de kóptegen máseleler týrasynda sóz qozǵady.
