ماڭعىستاۋلىق وقۋشىلار مەكتەپ بٸتٸرگەندە دومبىرادا 10 كٷي وينايتىنداي بولۋى تيٸس. بۇل تۋرالى ماڭعىستاۋ وبلىسىندا ٶتكەن تامىز كونفەرەنتسيياسىندا وبلىس ەكٸمٸ سەرٸكباي ترۇموۆ مەلٸم ەتتٸ, دەپ حابارلايدى وبلىس ەكٸمٸنٸڭ باسپاسٶز قىزمەتٸ.
«مەملەكەت باسشىسى قاسىم-جومارت توقاەۆ دومبىرانى مەكتەپتەردە بالالارعا ٷيرەتۋ قاجەتتٸگٸن ايتتى. وسىعان قاراي ۇلتتىق ٶنەردٸ ناسيحاتتاۋ ماقساتىندا وقۋشىلارعا ارنالعان دومبىرا ٷيٸرمەلەرٸن كٶپتەپ اشۋدى كٶزدەيتٸن «دومبىرا-داستان» جوباسىن جٷزەگە اسىرۋدى تاپسىرامىن. وسىلايشا, ماڭعىستاۋلىق وقۋشىلار مەكتەپ بٸتٸرگەن كەزدە كەم دەگەندە 10 كٷيدٸ ٷيرەنٸپ شىعۋى تيٸس دەپ ويلايمىن. ەرينە, بۇل شارا جٷزەگە اسىرىلسا, اتا-انالار دا ريزا بولارى سٶزسٸز», - دەدٸ وبلىس باسشىسى كونفەرەنتسييا بارىسىندا.
جيىندا وبلىس ەكٸمٸ سونداي-اق وقۋلىقتار ساپاسىن كٶتەرۋ, بٸلٸم وشاقتارىن ماتەريالدىق قۇندىلىقتارمەن جابدىقتاۋ, ۇستازداردىڭ بٸلٸكتٸلٸگٸن ارتتىرۋ سيياقتى بٸلٸم سالاسىنا قاتىستى ٶزگە دە كٶپتەگەن مەسەلەلەر تۋراسىندا سٶز قوزعادى.
