QR Densaýlyq saqtaý ministriniń 2021 jylǵy 2 jeltoqsandaǵy buiryǵy boiynsha oqý basylymdaryna qoiylatyn gigienalyq normativter bekitildi, dep habarlaidy QazAqparat.
Qujatta oqýshy arqalaityn bir oqýlyqtyń salmaǵyna qatysty naqty norma kórsetilgen. Ol boiynsha:
1-4 synyp oqýlyqtary 300 gramnan;
5-6 synyptar úshin 400 gramnan;
7-9 synyptar úshin 500 gramnan;
10-11(12) synyptar úshin 600 gramnan aspaýy kerek.
Buiryqta oqýlyq salmaǵyn atalǵan normadan 10% arttyrýǵa ǵana jol beriletini aitylǵan.
Oqýlyq salmaǵynan bólek kitap basylatyn qaǵazǵa, baspa sapasyna, paidalanylatyn qaripterge (shrift – red) qoiylatyn talaptar naqty kórsetilgen.
Qujattyń tolyq mátinin myna jerden kórýge bolady.
Buiryq 2021 jyldyń 24 jeltoqsanynan bastap qoldanysqa enedi.
