Foto: QR OAM
Qazaqstan Respýblikasy Oqý-aǵartý ministrligi Almaty qalasyndaǵy Arnaiy jáne inkliýzivti bilim berýdi damytýdyń Ulttyq ǵylymi-praktikalyq ortalyǵy jabylady degen aqparattyń shynaiylyqqa janaspaitynyn resmi túrde málimdedi, dep habarlaidy Ult.kz.
Ministrlik ortalyqty jabý týraly eshqandai sheshim qabyldanbaǵanyn jáne ondai jospardyń joq ekenin habarlady.
Qazirgi ýaqytta ortalyq qoldanystaǵy Jarǵyǵa sáikes tolyq kólemde jumysyn jalǵastyrýda. Sonymen qatar, arnaiy jáne inkliýzivti bilim berý salasyndaǵy úilestirýshilik, ǵylymi jáne ádistemelik mindetteri odan ári nyǵaitylýda.
Jańǵyrtý aiasynda materialdyq-tehnikalyq bazany kúsheitý, sondai-aq ǵimaratty kúrdeli jóndeýge daiyndaý jumystary qolǵa alynǵan.
Barlyq ózgerister – mamandar men erekshe bilim berý qajettiligi bar balalar jáne olardyń ata-analary úshin qolaily orta qalyptastyrýǵa baǵyttalǵan.
Ministrlik qoǵamdy jáne buqaralyq aqparat quraldaryn tek resmi ári rastalǵan derekkózderge súienýge shaqyrdy.
