Foto: elements.envato.com
Astana qalasynyń qylmystyq ister boiynsha aýdanaralyq soty «ÓKM operatory» basshylary men burynǵy ekologiia vitse-ministrine úkim shyǵardy, dep habarlaidy "Ult aqparat".
Sot ÓKM-niń úsh basshysy 2016 jyldan bastap kezekpen ekologiia vitse-ministriniń (buryn QR EM Ekologiialyq retteý jáne baqylaý komitetiniń tóraǵasy bolǵan) qoldaýymen birneshe ret asa iri mólsherde biýdjet qarajatyn urlaǵanyn anyqtaǵan.
"Jymqyrý qoldanystan shyqqan kólik quraldaryn artyq quny boiynsha kádege jaratý jónindegi úlestes kompaniianyń qyzmetterine negizsiz aqy tóleý jolymen jasalǵan. Keltirilgen zalaldyń jalpy somasy - 26,8 mlrd teńge.
Sonymen qatar Ekologiia vitse-ministri óz ókilettikterin asyra paidalanyp, kabeldik ónimderdi óndirýshiler men importtaýshylardyń keńeitilgen mindettemelerin engizgen zańsyz buiryqqa qol qoiǵan. Sonyń saldarynan 325 mln teńgeden astam zalal keltirilgen.
Osy kezeńde «ÓKM operatory» JShS basshylary burynǵy vitse-ministrdiń kómegimen JShS shotyndaǵy 180 mlrd teńgeni urlamaq bolǵan. Sottalǵandar Qazaqstan aýmaǵynda affiliirlengen kompaniia - 6 qoqys órteitin zaýyt salý kezinde urlyq jasaýdy josparlaǵan. Olar bul qurylysty qarjylandyrýdy 2022 jylǵa arnalǵan investitsiialyq saiasatty iske asyrý jónindegi is-sharalarǵa negizsiz engizgen" - delingen sot habarlamasynda.
Sondai-aq, JShS basshysy K. jáne quryltaishysy M. (izdeýde) kommertsiialyq uiymdaǵy basqarý fýnktsiialaryn paidalanyp, ókilettikterin asyra paidalanyp, dividendter alý jeleýimen jalpy somasy 920 mln teńge kóleminde biýdjet qarajatyn jymqyrǵan.
Sottalǵandardyń kinási jábirlenýshilerdiń, kýágerlerdiń aiǵaqtarymen, sot-meditsinalyq saraptamanyń qorytyndylarymen, mamandarmen jáne aýditorlyq qorytyndylarmen dáleldenip, keltirilgen shyǵyn kólemi 28,2 milliard teńge kóleminde belgilengen.
"Sot úkimimen 2016-2019 jyldary JShS direktory bolǵan K. Qylmystyq kodekstiń 189-baby 4-bóliginiń 2-tarmaǵy, 250-babynyń 1-bóligi, 24-babynyń 3-bóligi, 28-babynyń 3-bóliginde kózdelgen qylmystyq quqyqbuzýshylyqtar jasaǵany úshin kináli dep tanylyp, 10 jyl merzimge kommertsiialyq uiymdarda basshylyq laýazymdardy atqarý quqyǵynan aiyryla otyryp, 7 jylǵa bas bostandyǵynan aiyryldy.
JShS-nyń 2019-2022 jyldar aralyǵynda direktory bolǵan Q. Qylmystyq kodekstiń 189-baby 4-bóliginiń 2-tarmaǵy jáne 24-babynyń 3-bóliginde kózdelgen qylmystyq quqyq buzýshylyqtar jasaǵany úshin kináli dep tanylyp, 10 jyl merzimge kommertsiialyq uiymdarda basshylyq laýazymdardy atqarý quqyǵynan aiyryla otyryp, 7 jylǵa bas bostandyǵynan aiyryldy.
Taǵy bir aiyptalýshy P.-ǵa Qylmystyq kodekstiń 28-babynyń 5-bóligi, 189-baby 4-bóliginiń 2-tarmaǵy, 24-babynyń 3-bóligi, 28-babynyń 5-bóligi, 361-baby 4-bóliginiń 3-tarmaǵynda kózdelgen qylmystyq quqyq buzýshylyqtardy jasaǵany úshin kináli dep tanylyp, ómir boiyna memlekettik qyzmette jáne kvazimemlekettik sektorda laýazymdardy atqarý quqyǵynan aiyryla otyryp, 7 jylǵa bas bostandyǵynan aiyrý jazasy taǵaiyndaldy.
Qarjy direktory T. QK-tiń 250-babynyń 1-bóligimen kináli dep tanylyp, 2 jyl merzimge bas bostandyǵynan aiyryldy. «Qazaqstan Respýblikasy Táýelsizdiginiń otyz jyldyǵyna bailanysty raqymshylyq jasaý týraly» 2021 jylǵy 7 jeltoqsandaǵy QR Zańynyń 3-babynyń 1) tarmaǵy negizinde oǵan jazasy ½ -ge qysqartyldy jáne kommertsiialyq uiymdarda 5 jyl merzimge basshy laýazymdardy atqarý quqyǵynan aiyra otyryp, 1 jylǵa bas bostandyǵynan aiyrý jazasy taǵaiyndaldy.
Qarjy direktory bolǵan T. Qylmystyq kodekstiń 250-babynyń 1-bóligi boiynsha kináli dep tanylyp, 2 jylǵa bas bostandyǵynan aiyryldy. «Qazaqstan Respýblikasy Táýelsizdiginiń 30 jyldyǵyna bailanysty raqymshylyq jasaý týraly» 2021 jylǵy 7 jeltoqsandaǵy QR Zańynyń 3-babynyń 1-tarmaqshasy negizinde onyń jazasy jartylai qysqartyldy jáne kommertsiialyq uiymdarda 5 jyl merzimge basshylyq laýazymdardy atqarý quqyǵynan aiyrý jáne 1 jylǵa bas bostandyǵynan aiyrý jazasy berildi" - delingen habarlamada.
Sot málimetinshe. QR Prezidentine sottalǵandar K., P. jáne K.-ny memlekettik nagradalardan aiyrý týraly usynys ta engiziledi. Sondai-aq «J» aktsionerlik qoǵamdastyǵynyń paidasyna 28,2 mlrd teńge somasynda azamattyq talap qoiý qanaǵattandyryldy. Odan bólek sottalǵandardyń qylmystyq jolmen alynǵan jyljymaly jáne jyljymaityn múlki memleket kirisine tárkilendi.
Úkim zańdy kúshine engen joq.
