Ekologiia, geologiia jáne tabiǵi resýrstar ministrliginiń buiryǵymen «Ohotzooprom» ÓB» respýblikalyq memlekettik qazynalyq kásipornynyń basshylyǵyna Marlen Ainabekov taǵaiyndaldy, dep dep habarlaidy "Ult aqparat".
Marlen Ainabekov buǵan deiin ministrliktiń Orman sharýashylyǵy jáne janýarlar dúniesi komiteti tóraǵasynyń orynbasary qyzmetin atqaryp kelgen. Osy salada zor tájiribesi bar.
«Inspektorlardyń qaza bolýyna bailanysty sońǵy oqiǵalardy eskere otyryp, ministrlik basshylyǵy jańa basshyǵa inspektorlardyń qaýipsizdigin qamtamasyz etýge erekshe nazar aýdarýdy tapsyrdy. Qazaqstan Prezidenti Qasym-Jomart Toqaev zańsyz ań aýlaǵany úshin jaýapkershilikti kúsheitý jóninde tapsyrma berdi. Bul másele boiynsha Qazaqstan Respýblikasynyń agroónerkásiptik keshendi retteý máseleleri boiynsha 28 qazandaǵy zańy aiasynda brakonerlik úshin jaýapkershilikti kúsheitý boiynsha ózgerister men tolyqtyrýlar engizildi», - dep habarlaidy ministrlikten.
Zań boiynsha ósimdikter men janýarlar dúniesin qorǵaý jónindegi inspektorlarǵa brakonerlerdi ustaýǵa, jetkizýge, sheteldik nemese azamattyǵy joq adamdy Qazaqstan Respýblikasynan tys jerlerge shyǵaryp jiberýge jáne brakonerlik maqsatta paidalanylǵan múlikti tárkileý boiynsha ókilettikter beriledi. Brakonerlikten bólek, inspektorǵa baǵynbaýǵa, oǵan zorlyq-zombylyq pen ómirine qaýip tóndirgeni úshin qylmystyq jaýapkershilik kúsheitilgen.
«Brakonerlermen kúresti kúsheitý maqsatynda «Ohotzooprom» ÓB» RMQK-da materialdyq-tehnikalyq bazany jańartý boiynsha júieli jumys júrgizilýde. Al janýarlar men ósimdikter álemin memlekettik qorǵaý qyzmetkerleriniń biliktiligin arttyrý úshin Ishki ister ministrligi inspektorlarǵa arnalǵan arnaiy oqý baǵdarlamasyn ázirledi. Sonymen qatar, inspektorlardyń avtokólikteri arnaiy dybys qaqqyshtarmen, daýys zoraitqysh qurylǵylarmen jáne jasyl tústi grafikalyq belgilermen qamtamasyz etiledi. Sondai-aq, tabiǵat qorǵaý qyzmetteriniń materialdyq – tehnikalyq bazasyn jaqsartý maqsatynda brakonerlikke qarsy kúres úshin qazirgi zamanǵy tehnologiialar men quraldardy (UUA, drondar, tós kameralary, arnaiy tehnika, elektroshokerler, travmatikalyq qarý, jeke qorǵaný quraldary jáne t.b.) engizýdi kózdeitin jańa normativter ázirlendi», - delingen habarlamada.
