AQSh-tyń Niý-Iork qalasyndaǵy turǵyn úide bolǵan órt saldarynan kem degende 21 adam zardap shekti. Bul týraly Niý-Iork qalasy órt sóndirý qyzmetiniń Instagram áleýmettik jelisindegi paraqshasynda habarlandy.
«Qazirgi kezde 90 otbasy evakýatsiialandy, bul shamamen 240 adam. Oqiǵa ornynda 350-den astam órt sóndirýshi men jedel járdem qyzmetkeri júr. Abyroi bolǵanda, kúrdeli jaraqat alǵandar joq, 21 patsient, sonyń ishinde 16 órt sóndirýshi jaqyn mańdaǵy aýrýhanalarǵa jetkizildi», - delingen órt sóndirý qyzmetiniń málimetinde.
CNN telearnasynyń habarlaýynsha, órt oqiǵa Kýins aýdanyndaǵy 150 páterlik úide oryn alǵan. Úidiń altynshy qabatynda bastalǵan órt jalyny joǵary qabattardy sharpyǵan.
Órttiń áli sóndirilmegeni atap ótilýde.
