QR Prezidenti Qasym-Jomart Toqaev Polsha Prezidenti Andjei Dýdamen kelissóz júrgizdi, dep habarlaidy Aqorda.
BUU Bas Assambleiasynyń 74-shi sessiiasy alańynda Qasym-Jomart Toqaev Polsha Prezidenti Andjei Dýdamen ekijaqty kelissózder júrgizdi.
Kezdesý barysynda memleketter kóshbasshylary ekijaqty yntymaqtastyqtyń perspektivalary, sonyń ishinde, Eýropalyq Odaq sheńberindegi qarym-qatynas máselesi talqylady.
Qasym-Jomart Toqaev Niý-Iorktegi BUU Bas assambleiasy sessiiasynyń aiasyndaǵy joǵary deńgeidegi Qazaqstan-Polsha kezdesýleri igi dástúrge ainalǵanyn atap ótti.
Qasym-Jomart Toqaev Andjei Dýdanyń 2015 jyly qyrkúiek aiynda Qazaqstannyń Tuńǵysh Prezidenti Nursultan Nazarbaevpen tanysqanyn, sondai-aq, Polsha kóshbasshysynyń 2018 jyldyń qańtar aiynda Elbasymen birge BUU Qaýipsizdik Keńesiniń taqyryptyq brifingine qatysqanyn mysalǵa keltirdi.
Memleket basshysy Nur-Sultan men Varshava arasyndaǵy dostyq jáne ózara tiimdi qarym-qatynastardy odan ári nyǵaitýǵa daiyn ekenin atap ótip, Qazaqstan men Polsha arasyndaǵy bailanystardyń beki túskenin aitty.
«2018 jyly elderimizdiń arasyndaǵy eki jaqty taýar ainalymy 1,2 mlrd dollardy qurady. Qazaqstanda Polshanyń 100-den astam kompaniiasy belsendi jumys isteýde. Bizdiń qarym-qatynastarymyzdyń damýyna Qazaqstannyń Polsha azamattary úshin vizalyq rejimdi alyp tastaýy, sondai-aq, 2017 jyly Nur-Sultan men Varshava arasynda tikelei áýe qatynasynyń iske qosylǵany eleýli úles qosty», – dedi Qasym-Jomart Toqaev.
Sonymen qatar, Qasym-Jomart Toqaev Andjei Dýdaǵa Qazaqstanda Ulttyq qoǵamdyq senim keńesi qurylǵanyn aitty. Dál osyndai qurylym Polsha Prezidentiniń basshylyǵymen bul memlekette de jumys isteidi.
