Niý-Iork soty AQSh Prezidenti Donald Trampty birneshe kommertsiialyq emes uiymǵa eki million dollar kóleminde aiyppul tóleýge mindettedi. Prokýratýra organdary AQSh Prezidentin Trump Foundation qaiyrymdylyq qoryn jeke saiasi jáne biznes múddesi úshin paidalandy dep aiyptady. Bul aqparatty "Amerika daýysy" saity habarlady.
Niý-Iorktiń bas prokýratýrasy 2018 jyly jazda sotqa shaǵym túsirgen. Onda Tramp pen onyń úsh balasynyń sailaý kampaniiasyn qarjylandyrý týraly zańnamany buzǵany aitylǵan. Qordyń kómegimen jinalǵan úsh million dollarǵa jýyq qarajat Tramptyń 2016 jylǵy sailaýaldy kampaniiasy kezinde qoldanylǵan. Prokýratýra dereginshe, Tramp qarjynyń bir bóligin qajetine jaratqan.
Tramp qor aqshasyn paidalaný týraly sheshimdi ózi qabyldaǵanyn moiyndady. Niý-Iorktiń bas prokýratýrasy men prezident aiyppul kólemin sýdia sheshedi dep kelisken.
Ótken aida Tramptyń zańgerleri jáne Niý-Iorktiń bas prokýratýrasy qordy taratyp, onyń qarjysyn kommertsiialyq emes uiymdarǵa úlestirýge kelisken.
Tramp tóleitin aiyppul men Trump Foundation qorynyń qalǵan aqshasy segiz kommertsiialyq emes uiymǵa teńdei bólinedi. Qarjy úlestiriletin qorlardyń arasynda tegin tamaq taratatyn jáne afroamerikalyq azamattardy oqytý, Holokost qurbandaryn eske alý mýzeii bar.
