Májilis Spikeri Nurlan Nyǵmatýlinniń tóraǵalyǵymen Palatanyń Biýro otyrysy ótip, aldaǵy jalpy otyrystyń kún tártibi naqtylandy. Onda depýtattar nazaryna birqatar ratifikatsiialyq qujattar usynylmaq, dep habarlaidy "Ult aqparat" Májilistiń baspasóz qyzmetine silteme jasap.
Onyń ishinde Ujymdyq qaýipsizdik týraly shartqa jáne onyń Jarǵylaryna ózgerister engizýdi kózdeitin hattamalarǵa qatysty birqatar zań jobalar bar.
Sondai-aq, atalǵan uiymnyń quqyqtyq mártebesine qatysty Zań jobasy da aldaǵy sársenbide Palata qaraýyna engiziletin bolady.
Bul qujatta UQShU-ǵa múshe memleketterdiń UQShU Bas hatshysynyń orynbasarlary laýazymdaryn atqaratyn ókilderdiń áleýmettik qorǵalýyn arttyrý kózdelgen.
Aldaǵy jalpy otyrysta memlekettik satyp alý máseleleri boiynsha beiindi komitetke qorytyndy ázirleý merzimi bekitilmek.
Biýro otyrysynda «Zań kómegin kórsetýdiń zańnamalyq negizderin jetildirý» taqyrybynda parlamenttik tyńdaý ótkizý máselesine de basa nazar aýdaryldy.
Otyrys sońynda Palata Tóraǵasy Májiliste qaralyp jatqan mańyzdy zań jobalaryna erekshe kóńil bóldi.
Atap aitar bolsaq, ótken aptada aýqymdy qujat Ekologiialyq Kodekstiń tanystyrylym ótti. Qazirde Palata depýtattary atalǵan zań jobasy boiynsha jan-jaqty jumysqa kiristi.
Sondai-aq, Atom energiiasyn paidalaný, tutynýshylar quqyn qorǵaý, biznes klimatty jaqsartý, memlekettik qyzmet jáne sybailas jemqorlyqqa qarsy is-qimyl, asyl tuqymdy mal sharýashylyǵy máselelerine qatysty basqa da zań jobalary boiynsha jumystar qolǵa alynýda.
Osy Zań jobalarynyń barlyǵy tikelei elimizdiń áleýmettik salalary men ekonomikasyn damytýǵa baǵyttalǵanyn jáne olardy qabyldap júzege asyrý qoǵam ómirine oń yqpal etetinin alǵa tartqan Nurlan Nyǵmatýlin:
- Atalǵan zań jobalarymen jumys ádettegidei, úkimettik emes uiymdardyń, parlamenttik emes partiialardyń, sarapshylar men qoǵamdyq birlestik músheleriniń qatysýymen ashyq júrgizilýi kerek, - dedi.
