Táýelsizdiktiń 30 jyldyq merekesine orai, Májilis Tóraǵasy Nurlan Nyǵmatýlin depýtattar men Apparat qyzmetkerlerine Prezident Jarlyǵymen berilgen memlekettik nagradalardy tapsyrdy, dep habarlaidy QazAqparat tómengi palatanyń baspasóz qyzmetine silteme jasap.
Májilis spikeri depýtattyq korpýsty Táýelsizdiktiń 30 jyldyǵymen quttyqtai otyryp, Qazaqstannyń osy jyldardaǵy barlyq tabystary men jetistikteri barsha qazaqstandyqtardyń eńbeginiń jáne el basshylyǵynyń strategiialyq bastamalaryn iske asyrýdyń nátijesi ekenin atap ótti.
Bul eń aldymen, Tuńǵysh Prezidentimiz, Elbasy Nursultan Ábishuly Nazarbaevtyń eren eńbeginiń, sonymen birge, árqashanda Prezidentimizge tirek bolyp, qoldaý bildirip kele jatqan halqymyzdyń bereke-birliginiń jemisi. Qazirgi ýaqytta Memleket Basshysy Qasym-Jomart Kemeluly Toqaev osy tolaǵai tabystarymyzdy saqtap, strategiialyq damý baǵytyn odan ári jalǵastyryp keledi, - dedi Nurlan Nyǵmatýlin.
Sonymen qatar, Májilis Tóraǵasy elimiz tarihymen birge kele jatqan Parlamenttiń, onyń depýtattarynyń da qosyp jatqan úlesi óte zor ekenin atap ótti.
Memlekettik jáne qoǵamdyq qyzmettegi eńbegi, eldiń áleýmettik-ekonomikalyq jáne mádeni damýyna, halyqtar arasyndaǵy dostyq pen yntymaqtastyqty nyǵaitýǵa qosqan eleýli úlesi úshin I dárejeli «Barys» ordenimen Májilis depýtaty Dariǵa Nazarbaeva, III dárejeli «Barys» ordenimen Bekbolat Tileýhan marapattaldy.
Májilis Tóraǵasy «Parasat» ordenin Amanǵali Berdalinge, Amanjan Jamalovqa, Irina Smirnovaǵa jáne Baqytbek Smaǵulǵa tabystady.
Nurlan Nyǵmatýlin «Qurmet» ordenin Májilis depýtattary «Azamat Ábildaevqa, Aiqyn Qońyrovqa, Aibek Paiaevqa jáne Apparat Basshysynyń orynbasary Jaslan Júginisovke, bólim meńgerýshisi Bolat Muqanovqa tabystady.
Al, «Eren eńbegi úshin» medali Serik Erýbaevqa, Dmitrii Kolodaǵa, Iýrii Lige, Igor Panchenkoǵa, Ǵani Tashqaraevqa, Maqpal Tájmaǵambetovaǵa jáne bólim meńgerýshisi Gúlmira Qalmanbetovaǵa, Apparat qyzmetkeri Marhabat Qosabaeva men Salim Ómirzaqovqa berildi.
Qazaqstan Respýblikasynyń Qurmet gramotasymen Apparat qyzmetkerleri Mádina Qasenova, Nazgúl Kóshkimbaeva, Aijan Matybaeva, Rýstam Tilegenov jáne Gúlmira Shyntaeva marapattaldy.
Sonymen qatar, Táýelsizdik jyldarynda elimizdiń qalyptasýy men damýyna qosqan úlesi úshin Májilis depýtattary «Qazaqstan Respýblikasynyń Táýelsizdigine 30 jyl» mereitoilyq medaldarmen marapattaldy.
Májilis Tóraǵasy TMD parlamenttik assambleialary men Ujymdyq qaýipsizdik týraly shart uiymy nagradalaryn tapsyrdy.
«Dostastyq» ordeni Premer-Ministrdiń orynbasary – Syrtqy ister ministrine TMD PAA Muhtar Tileýberdige jáne Májilis depýtaty Muhtar Ermanǵa berildi. TMD PAA medaldarymen Májilis depýtattary Saýytbek Abdrahmanov, Jámila Nurmanbetova, Darhan Myńbai, Qudaibergen Erjan jáne Syrtqy ister ministriniń orynbasary Marat Syzdyqov marapattaldy. TMD PAA Qurmet gramotalary Snejanna Imashevaǵa, Lazzat Ramazanovaǵa, Baýyrjan Sartbaevqa berilse, Ujymdyq qaýipsizdik týraly shart uiymy PA medali Májilis depýtaty Arman Qojahmetovke, Ujymdyq qaýipsizdik týraly shart uiymy PA Qurmet gramotasy Erlik Taijanovqa tabystaldy.
