Búgin Májilis spikeri Nurlan Nyǵmatýlinniń tóraǵalyǵymen Palata biýrosy ótip, onda aldaǵy jalpy otyrystyń kún tártibi naqtylandy, dep habarlaidy "Ult aqparat" Májilistiń baspasóz qyzmetine silteme jasap.
Biýro otyrysynda depýtattar qaraýyna «Qazaqstan Respýblikasy Táýelsizdiginiń otyz jyldyǵyna bailanysty raqymshylyq jasaý týraly» zań jobasyn qaraý usynylady.
Zań jobasy memlekettiń jáne azamattardyń qaýipsizdigine qater tóndirmeitin qylmystar jasaǵany úshin sottalǵan adamdardy, onyń ishinde azamattardyń áleýmettik qaýqarsyz sanattaryn jazadan bosatýǵa múmkindik beredi.
Kún tártibiniń jobasynda depýtattar bastamashy bolǵan «Qazaqstan Respýblikasynyń sot júiesi men sýdialarynyń mártebesi týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» Konstitýtsiialyq zań jobasyn jáne sot júiesi máseleleri boiynsha zańnamalyq túzetýlerdi birinshi oqylymda qaraý kózdelgen.
Sonymen qatar, aldaǵy jalpy otyrysta «Qazaqstan Respýblikasynyń keibir zańnamalyq aktilerine daýlardy sottan tys jáne sotqa deiingi retteý institýttaryn damytý máseleleri boiynsha ózgerister men tolyqtyrýlar engizý týraly» zań jobasyn birinshi oqylymda qaraý Sondai-aq, biýro otyrysynda depýtattarǵa kásipkerlik qyzmet salasynda jańa retteýshilik saiasatty engizý jáne básekelestikti damytý máseleleri boiynsha ózgerister men tolyqtyrýlar engizý týraly zań jobasyn birinshi oqylymda qaraý usynylady.
