QR Parlamentiniń Májilis depýtaty Nurjan Áltaev «Talgodaǵy» adam zorlaý oqiǵasy úshin «Qazaqstan temir joly» kompaniiasy jaýap berý kerek degen pikir aitty, dep habarlaidy QazAqparat.
«Talgodaǵy» rezonansty oqiǵaǵa kelsek, bizdiń qaryndasymyzǵa qarsy zorlyq áreketi jasalǵany dáleldenip otyr. Sol qylmysty jasaǵandar 2,5 jylǵa ǵana sottaldy. Meniń oiymsha, mundaiǵa jol berilmeýi kerek.
«Qazaqstan temir joly» kompaniiasy da bul oqiǵa úshin jaýapkershilik arqalaýy kerek. Olarǵa jolaýshylardyń qaýipsizdigi senip tapsyryldy. «Talgo» poiyzy bizde elitaly kólik sanalady. Al zorlyq kórsetken sol kompaniianyń jolaýshylar qaýipsizdigine jaýapty qyzmetkerleri bolyp otyr. Sondyqtan «QJT» kompaniiasy tolyq jaýapkershilik arqalaýy kerek», - dedi Parlament ókili.
«Men zardap shekken qaryndasymyzben jeke sóilesip, zańnamalyq turǵyda kómek usyndym. Oǵan qazir «QTJ» kompaniiasyna qarsy azamattyq qýynym qozǵaýǵa keńes berdik. Eger kelisse, bul iske úzdik advokattardy tartyp, «Qazaqstan temir joly» kompaniiasyna zor kólemde qarjylyq jaýapkershilik arqalatamyz. Onyń ishinde moraldyq shyǵyn dar bar», - dedi Nurjan Áltaev.
