Nursultan Nazarbaev Qazaqstannyń kóne tarihi oryndarynyń biri - «Shymkent eski qalashyǵy» tarihi-mádeni mura eskertkishine bardy, dep habarlaidy "Ult aqparat" elbasy.kz-ke silteme jasap.
Kóne qalashyqty aralap kórý kezinde Elbasy arheologiialyq jumystardyń nátijelerimen jáne mádeni keshendi odan ári damytý josparlarymen tanysty.
Usynylǵan aqparatqa sáikes, 2021 jyly keshen aýmaǵynda úsh deńgeili ortaǵasyrlyq murajai men 500 oryndyq amfiteatrdyń qurylysy bastalady.
Sondai-aq shara aiasynda qala ákimi M.Áitenov Shymkenttiń týristik áleýeti men onyń damý perspektivalary týraly aityp berdi.
Aita keterligi, Shymkent eski qalashyǵy – bul Qazaqstan Respýblikasynyń jergilikti mańyzy bar tarihi jáne mádeni eskertkishterdiń memlekettik tizimine engizilgen arheologiialyq nysan.
Jalpy qalashyqta úsh stratigrafiialyq qazba jasalǵan. Qalashyqtyń mádeni qabattary 14 metrdi quraidy. Qalashyqtyń eń tómengi qabatynda b.z.d. III ǵ. sońy - b.z.d. II ǵ. basyna tán keramika kesheni bar. Ol Soǵdynyń ýrbanizatsiialanǵan qonystaryna sáikes keledi.
