Nursultan Nazarbaev paýerliftingten sport sheberi, alpinist Mariia Áýezovamen kezdesti, - dep habarlaidy "Ult aqparat" Elbasy.kz saityna silteme jasap.
Kezdesý barysynda Mariia Áýezova asyl armany – bionika protezderin alý jolynda kórsetken qamqorlyǵy men qoldaýy úshin Elbasyna alǵys bildirdi.
Óz kezeginde Qazaqstannyń Tuńǵysh Prezidenti sportshynyń múmkindigi shekteýli ekenine qaramastan Everesti baǵyndyrýǵa bel býǵan tabandylyǵy men ójettigin atap ótti.
– Kezinde men de Abai shyńyn baǵyndyrdym. Bul qanshalyqty qiyn ekenin jaqsy bilemin. Sizge jaraisyz demekpin. Mundai dúnieler adamdarǵa shabyt berip, qanattandyra túseri sózsiz, – dedi Nursultan Nazarbaev.
Aita ketken jón, 2021 jylǵy sáýir aiynda Mariia Áýezova alpinister komandasymen birge Everest bazalyq lagerine (5364 metr) jáne Kala-Pathar taýyna (5640 metr) shyqty. Elbasy Everesti eki aiaǵynyń joqtyǵyna qaramastan baǵyndyrǵan alpinistiń erligine tánti bolyp, Qazaqstan halqy Assambleiasynyń 29-sessiiasynda oǵan protez alýǵa kómektesýge ýáde bergen bolatyn.
Nursultan Nazarbaev qorynyń qoldaýymen M.Áýezovaǵa bionikalyq protez alyndy jáne ol mamandardyń baqylaýymen beiimdelý kýrsynan ótti.
