Astanadaǵy Nursultan Nazarbaev halyqaralyq áýejaiynda fýtýristik stildegi «Caps Lock» kapsýldy qonaq úii ashyldy, dep habarlaidy "Ult aqparat" áýejaidyń baspasóz qyzmetine silteme jasap.
Japon tehnologiiasy boiynsha ázirlengen sońǵy úlgidegi kapsýldy qonaq úide jýynyp, shaiynyp, uiyqtap tynyǵý úshin barlyq jaǵdai jasalǵan.
Eń alǵash Japoniiada paida bolǵan kapsýldy qonaq úi týrister arasynda keńinen tanymal. Qazaqstandaǵy áýejailar ishinde kapsýldy qonaq úi alǵash ret Astanada iske qosyldy. Qonaqtardyń osy jerde erkin demalýy úshin smart-TV, jeke seif, túrli tústi LED jaryqtary, «rozetkalar», USB júiesi, oqýǵa arnalǵan ústel, jeldetkish, aýa baptaǵysh, órtke qarsy júie, oiatqysh jáne eń bastysy taza tósenishteri men jeke gigienalyq quraldary bar ortopediialyq tósek qoiylǵan.
Qonaq úide barlyǵy kelýshilerge beriletin magnittik SMART karta arqyly basqarylady. Kelýshiler qoldaryna beriletin planshet arqyly ózderine qajet reisterdi Online rejimde bilip otyrady. Qonaqúi 10 adamǵa arnalǵan.
Búginde mundai tynyǵý oryndary álemniń kóptegen qalalarynda, atap aitqanda, Dýbai, Atlanta (AQSh), Filadelfiia (AQSh), Miýnhen (Germaniia), London (Ulybritaniia), Amsterdam (Niderlandy), Tokio (Japoniia), Mehiko (Meksika) áýejailarynda bar.
