Memleket basshysy Nursultan Nazarbaev jumys saparmen Atyraý qalasyna keldi, dep habarlaidy QazAqparat tilshisi.
Elbasy óńirge sapary aiasynda makaron, nan ónimderin, et konservilerin, aýyz sý, arnaiy kiim-keshek shyǵaratyn "Karat" JShS jumysymen tanysyp, jylyna 2800 myń tonna munai men 170 mln tekshe metr ilespe gaz óndiretin "Embimunaigaz" AQ-nyń jańa əkimshilik ǵimaratymen aralap kóredi dep kútilýde.
Munan bólek Qazaqstan Prezidenti "Jigermunaiservis" JShS-niń robot dənekerleýshini paidalanyp metall qurylymdaryn óndiretin uiymynda bolmaq.
Sapar aiasynda Nursultan Nazarbaev H.Dosmuhamedov atyndaǵy Atyraý memlekettik ýniversitetiniń jańa stýdentter úiin kóredi. 450 orynǵa eseptelgen 7 qabatty jataqhana qurylysyna 1 mlrd teńgeden astam qarjy jumsalǵan. Ǵimaratta jastardyń jaily ómir súrip, sapaly bilim alýyna barlyq jaǵdai jasalǵan.
Memleket basshysy óńirdegi əleýmettik mańyzy bar nysandardy aralaǵannan keiin Atyraý oblysynyń əleýmettik-ekonomikalyq damý məseleleri jóninde keńes ótkizedi dep kútilýde.
