«Nur Otan» partiiasy Almaty qalalyq filialy tóraǵasynyń birinshi orynbasary Meiirjan Otynshiev pen Medeý aýdanynyń ákimi Áset Masabaev jol jóndeý jumystarynyń sapasyn tekserdi, dep habarlaidy "Ult aqparat".
Máselen, asfalt tóseý tehnologiiasynyń saqtalmaýynan jáne tapsyrys berýshi men tehnikalyq qadaǵalaý ókili tarapynan baqylaýdyń bolmaýynan Kerei-Jánibek handary kóshesindegi segiz ýchaskede oiylǵan jerler bar. Sondai-aq aralaý barysynda asfalttaý jumystary sapasyz júrgizilgeni anyqtaldy.
«Muztaý» shaǵynaýdanynda sýmen jabdyqtaý jáne sý burý jelilerin salý kezinde kóptegen zańbuzýshylyqtarǵa jol berilgen. Tiisti baqylaýdyń bolmaýy, júrgiziletin jumys sapasynyń tómendigine, sonyń ishinde arnaiy tehnikanyń jáne tikelei jumysshy personaldyń bolmaýyna ákelip soqty. Munymen qosa, nurotandyqtar kólik quraldarynyń qozǵalysy úshin avariialyq jaǵdai týǵyzatyn Beiseýov kóshesiniń barlyq júris bóliginiń boiynda kóptegen shuńqyrlar men opyrylyp túsken joldardy tirkedi.
«Megapolistiń barlyq aýdandarynda turǵyndardyń turǵylyqty jerine qaramastan joǵary ómir súrý standarttaryn qamtamasyz etý «Almaty-2050» damý strategiiasynyń birinshi baǵyty. Osyǵan bailanysty, qalany abattandyrý jumystaryna degen nemqurailyqqa jol berilmeý kerek. Biz merdigerlik uiymdardyń basshylaryna aǵymdaǵy jyldyń 15 sáýirine deiingi merzimde joǵaryda atalǵan barlyq buzýshylyqtardy joiýdy tapsyrdyq. Bul másele partiia filialy men aýdan ákiminiń tikelei baqylaýynda bolady», - dep atap ótti Meiirjan Otynshiev.
