Energiia óndirýshi uiymdardyń «QazTransGaz-Aimaq» aktsionerlik qoǵamy aldyndaǵy bereshegi bir jyl ishinde aitarlyqtai azaiǵan, dep habarlaidy QazAqparat.
Bul týraly Energetika ministri Nurlan Noǵaev Úkimet otyrysynda aitty. Ministrdiń sózinshe, búgingi tańda energiia óndirýshi uiymdardyń «QazTransGaz-Aimaq» AQ aldyndaǵy bereshegi 667 mln teńge bolǵan. Al 2020 jyldyń mamyrynda bereshek mólsheri 7 mlrd 481 mln teńge bolǵan eken.
Sondai-aq, energiia óndirýshi uiymdardyń «Bogatyr-Kómir» jaýapkershiligi shekteýli seriktestigi aldynda jalpy somasy 1 mlrd teńge bereshegi bar kórinedi.
«Kommýnaldyq kásiporyndardyń, kóterme saýda tutynýshylarynyń, energiiamen jabdyqtaýshy jáne energiia berýshi uiymdardyń Mańǵystaý, Batys Qazaqstan, Aqtóbe, Almaty, Shyǵys Qazaqstan, Jambyl, Qaraǵandy, Qyzylorda, Pavlodar oblystaryndaǵy jáne Nur-Sultan, Almaty jáne Shymkent qalalaryndaǵy energiia óndirýshi jáne energiia berýshi uiymdardyń aldynda bereshegi bar.
Bul energiia óndirýshi jáne energiia berýshi uiymdardyń jóndeý jumystaryn ýaqtyly oryndaýyna teris áser etedi. Osyǵan bailanysty jergilikti atqarýshy organdar kommýnaldyq qyzmetter úshin bereshekti óteý jónindegi jumysty kúsheitip, jandandyrý qajet», - dedi Nurlan Noǵaev.
