© Photo : ERTIS TV / Ertis telearnasy/ YouTube/video skrini
Pavlodar oblysy politsiia departamentiniń burynǵy basshysy Nurlan Másimovtiń ústinen qozǵalǵan qylmystyq is boiynsha alǵashqy sot otyrysy ótti, dep habarlaidy QazAqparat agenttigi atalǵan óńir sotynyń baspasóz qyzmetine silteme jasap.
«Atalǵan is boiynsha qylmystyq is júrgizý zańnamasy aitarlyqtai buzylǵan. Atap aitqanda, iske qatysy barlardyń rólin sipattaýda oryndaýshy men uiymdastyrýshynyń róli naqtylanbaǵan. Aiyptalýshylar M., S. jáne E-niń qandai qylmystyq áreketterdiń nátijesinde memleketke zalal keltirgeni belgisiz. Sondai-aq, aiyptaý aktisinde qarjynyń qandai somada jymqyrylǵany jáne qansha shyǵyn kelgeni kórsetilmegen», - deidi oblystyq sottan.
Odan bólek, resmi habarlamada joǵaryda atalǵan zańǵa sáikes kelmeitin áreketter negizgi sot talqylaýyn taǵaiyndaýǵa múmkindik bermeitini aitylǵan.
«Qylmystyq is júrgizý kodeksiniń 323-babyna sáikes negizgi sotty taǵaiyndaýǵa kedergi keltiretin qylmystyq is júrgizý zańnamasynyń buzylýyn joiý úshin is Pavlodar oblysynyń prokýroryna keri qaitaryldy», - delingen alǵashqy sot qorytyndysynda.
Aita keteiik, keshe Pavlodarda burynǵy politsiia basshysy Nurlan Másimovtiń soty bastalǵan edi.
