QR Parlamenti Senatynyń depýtaty Nurlan Qylyshbaevtyń ókilettigi toqtatyldy, dep habarlaidy QazAqparat.
QR Parlamenti Senatynyń depýtattary palatanyń jalpy otyrysynda tiisti qaýlyǵa daýys berdi.
«Nurlan Naýryzuly basqa jumysqa aýysýyna bailanysty depýtattyq ókilettigin toqtatý týraly ótinish bildirdi. Ortalyq sailaý komissiiasy bul ótinishti qarap, Senatqa tiisti usynys engizdi», - dedi Palata spikeri Máýlen Áshimbaev.
Senat tóraǵasy onyń senator retindegi eńbegi týraly qysqasha málimet berdi.
«Nurlan Naýryzulynyń Almaty oblysynan bes jyldan astam depýtat bolyp jumys istedi. Osy kezeńde ol Senattyń zań shyǵarý jumysyna, óńirlerdiń máselelerin sheshýge belsene qatysyp, palata qyzmetine óz úlesin qosty. Komitet jumysyn tiimdi uiymdastyrýǵa kóp eńbek sińirdi. Sondyqtan Nurlan Naýryzulynyń depýtattyq qyzmeti úshin alǵysymyzdy bildiremiz», - dedi Máýlen Áshimbaev.
