Qazaqstandyq balýan Nurislam Sanaev Býdapeshtte ótip jatqan álem chempionatynda kúmis júldeger atandy. Otandasymyz finalda reseilik balýan Zaýr Ýgýevke 4:3 esebimen jol berdi, dep habarlaidy Massaget portaly.
57 kilogrammǵa deiingi salmaqtaǵy balýandar básekesinde Nurislam baryn saldy. Tek sońǵy sátte tóreshiler qazaqstandyq balýanǵa eskertý jasap, qarsylasyna bir upai ustatty. Jeńis reseilik balýannyń ýysynda ketti.
Nurislam besinshi ret álem chempionatyna qatysty. Alǵash ret 2012 jyly Resei quramasy sapynda baryp, 8-oryn alǵan. 2014 jáne 2015 jyldary Qazaqstan atynan baryp, eki rette de 5-orynnan kóringen. 2017 jyly da júldege qol jetkize almady. Biyl Aziia chempiony atandy. Býdapeshtte kúmis buiyrdy.
Erkin kúresten álem chempiony atanǵan qazaqstandyq balýan ázirge joq. Qazaq sportyna buiyrmai júrgen bir júlde. 1995 jyly Atlantada (AQSh) ótken jarysta Qazaqstan atynan shyqqan Elmádi Jabyraiylovtyń (ulty - sheshen) tuńǵysh chempion atanýǵa múmkindigi bolǵan. Biraq finalda amerikalyq Kevin Djeksonǵa jol berip, kúmis aldy. 2016 jyly Býdapeshtte Olimpiada enbegen salmaq dárejeleri boiynsha álem chempionaty ótti. Bul jarysta 70 kg-ǵa deiingi salmaqta Nurlan Bekjanov finalǵa deiin jetken. Alaida sheshýshi beldesýde reseilik Magomed Kýrbanalievke jol berip, kúmis júldeger atanǵan-dy.
