Foto: zhaikpress.kz
Nurdildá Oraz jańa qyzmetke taǵaiyndaldy, - dep habarlaidy "Ult aqparat".
"Qazaqstan Respýblikasy Prezident Ákimshiliginiń kelisimimen Batys Qazaqstan oblysy ákimi apparatynyń basshysy bolyp Oraz Nurdildá Serikuly taǵaiyndaldy" - delingen BQO ákimdiginiń habarlamasynda.
Oraz Nurdildá Serikuly 1981 jyly dúniege kelgen. Bilimi joǵary. Ál-Farabi atyndaǵy Qazaq ulttyq ýniversitetin «Jýrnalistika» jáne QR IIM B.Beisenov atyndaǵy Qaraǵandy Akademiiasyn «Quqyq qorǵaý qyzmeti» mamandyqtary boiynsha bitirgen.
Eńbek jolyn 2003 jyly «31 arna» JShS «Informbiýro» jańalyqtar qyzmetiniń korrespondent-júrgizýshisi bolyp bastaǵan.
Ár jyldary birqatar respýblikalyq telearnalarda qyzmet atqarǵan. 2009 jyly Ishki ister organyndaryna aýysyp, Astana qalasynyń Ishki ister Departamentiniń til saiasaty jáne aqparat bóliminiń basshysy, QR Ishki ister ministrligi Memlekettik til jáne aqparat departamentiniń direktory-ministrdiń baspasóz hatshysy, keiinnen resmi ókili boldy. 2016j. QR Bas Prokýratýrasy Apparat basshysynyń orynbasary, 2019-2022jj. QR Ishki ister ministriniń keńesshisi boldy.
Qazirgi taǵaiyndaýǵa deiin Batys Qazaqstan oblysy qoǵamdyq damý basqarmasynyń basshysy bop jumys jasady.
