Ammanda (Iordaniia) ótip jatqan bokstan Tokio olimpiadasyna irikteý jarysynda qazaqstandyq alty boksshysy olimpiadaǵa irikteý aldy.
2019 jylǵy álem chempiony Bekzat Nurdáýletov (81 kg), Rio olimpiadasynyń kúmis júldegeri Vasilii Levit (91 kg) jáne byltyrǵy álem chempionatynyń qola júldegeri Abylaihan Júsipov (69 kg), Ábilhan Amanqul (75 kg), Qamshybek Qonqabaev (+91 kg) jáne Nadejda Riabets (áielder boksy, 75 kg) biylǵa josparlanǵan olimpiadaǵa qatysady.
Alty boksshy da irikteý jarysynyń jartylai finalyna shyqty. Irikteý erejesine sai, tórttikke engen boksshylar olimpiada joldamasyn alady.
Nurdáýletov shirek finalda tájikstandyq Shabboz Negmatýllaevty, Levit tájikstandyq Davlat Boltaevty, Júsipov tailandyq Výttýchai Masýkti, Amanqul ózbekstandyq Fanat Kahramonovty, Qonqabaev qytailyq Maimaiiti Aiemaitidi, Riabets vetnamdyq Ti Hýon Ngýiendi jeńdi.
9 naýryzda Qazaqstannyń taǵy úsh boksshysy olimpiada joldamasyna talasady.
Bokstan irikteý jarysy aqpanda Qytaidyń Ýhan qalasynda ótýi tiis edi. Biraq koronavirýstyń kesirinen Ammanǵa aýysty.
Irikteý jarysyn Halyqaralyq olimpiada komiteti (HOK) ózi uiymdastyryp jatyr. HOK Halyqaralyq boks qaýymdastyǵyna (AIBA) sanktsiia salǵan. Sanktsiiaǵa bokstaǵy tóreshiler daýy, qarjy máselesi, jemqorlyq sebep bolǵan.
Tokio olimpiadasy biyl 24 shilde 9 tamyz aralyǵyna josparlanǵan.
