امماندا (يوردانييا) ٶتٸپ جاتقان بوكستان توكيو وليمپياداسىنا ٸرٸكتەۋ جارىسىندا قازاقستاندىق التى بوكسشىسى وليمپياداعا ٸرٸكتەۋ الدى.
2019 جىلعى ەلەم چەمپيونى بەكزات نۇردەۋلەتوۆ (81 كگ), ريو وليمپياداسىنىڭ كٷمٸس جٷلدەگەرٸ ۆاسيليي لەۆيت (91 كگ) جەنە بىلتىرعى ەلەم چەمپيوناتىنىڭ قولا جٷلدەگەرٸ ابىلايحان جٷسٸپوۆ (69 كگ), ەبٸلحان امانقۇل (75 كگ), قامشىبەك قونقاباەۆ (+91 كگ) جەنە نادەجدا ريابەتس (ەيەلدەر بوكسى, 75 كگ) بيىلعا جوسپارلانعان وليمپياداعا قاتىسادى.
التى بوكسشى دا ٸرٸكتەۋ جارىسىنىڭ جارتىلاي فينالىنا شىقتى. ٸرٸكتەۋ ەرەجەسٸنە ساي, تٶرتتٸككە ەنگەن بوكسشىلار وليمپيادا جولداماسىن الادى.
نۇردەۋلەتوۆ شيرەك فينالدا تەجٸكستاندىق شاببوز نەگماتۋللاەۆتى, لەۆيت تەجٸكستاندىق داۆلات بولتاەۆتى, جٷسٸپوۆ تايلاندىق ۆۋتتۋچاي ماسۋكتٸ, امانقۇل ٶزبەكستاندىق فانات كاحرامونوۆتى, قونقاباەۆ قىتايلىق مايماييتي ايەمايتيدٸ, ريابەتس ۆەتنامدىق تي حۋون نگۋيەندٸ جەڭدٸ.
9 ناۋرىزدا قازاقستاننىڭ تاعى ٷش بوكسشىسى وليمپيادا جولداماسىنا تالاسادى.
بوكستان ٸرٸكتەۋ جارىسى اقپاندا قىتايدىڭ ۋحان قالاسىندا ٶتۋٸ تيٸس ەدٸ. بٸراق كوروناۆيرۋستىڭ كەسٸرٸنەن اممانعا اۋىستى.
ٸرٸكتەۋ جارىسىن حالىقارالىق وليمپيادا كوميتەتٸ (حوك) ٶزٸ ۇيىمداستىرىپ جاتىر. حوك حالىقارالىق بوكس قاۋىمداستىعىنا (AIBA) سانكتسييا سالعان. سانكتسيياعا بوكستاعى تٶرەشٸلەر داۋى, قارجى مەسەلەسٸ, جەمقورلىق سەبەپ بولعان.
توكيو وليمپياداسى بيىل 24 شٸلدە 9 تامىز ارالىعىنا جوسپارلانعان.
