Nur-Sultandyq damytý ortalyǵynda 10 bala tamaqtan ýlanyp qaldy. Oqiǵanyń bolǵanyn Nur-Sultan qalalyq bilim basqarmasynyń basshysy Ánýar Janǵozin rastady, dep habarlaidy QazAqparat.
Elorda ákimdiginiń baspasóz ortalyǵynda ótken brifingte tilshilerdiń suraǵyna jaýap bere kele Ánýar Janǵozin qalalyq damytý ortalyǵynda birneshe balanyń ýlanǵanyn rastady.
«Balalardyń ýlanýy boiynsha aita keteiin. Biz buiryq shyǵardyq, tiisti komissiia quryldy. Tekserý júrgizip jatyrmyz. Jumysqa qoǵamdyq densaýlyq saqtaý departamentiniń de ókilderin tarttyq. Qorytyndy boiynsha tiisti sharalar qabyldanady. Jekemenshik mektepke deiingi uiymdar jeke kásipkerlik kodeksi boiynsha jumys júrgizedi. Eger naqty eskertý beretindei kemshilikti anyqtasaq, ary qarai tiisti shara qabyldaimyz. Bul jerde áńgime 8-10 balanyń ýlanýynda bolyp otyr», - dedi Ánýar Janǵozin.
Balalardyń naqty neden ýlanǵany belgisiz. Bilim basqarmasy basshysynyń aitýynsha, onyń bárin komissiia anyqtaidy.
