نۇر-سۇلتاندىق دامىتۋ ورتالىعىندا 10 بالا تاماقتان ۋلانىپ قالدى. وقيعانىڭ بولعانىن نۇر-سۇلتان قالالىق بٸلٸم باسقارماسىنىڭ باسشىسى ەنۋار جانعوزين راستادى, دەپ حابارلايدى قازاقپارات.
ەلوردا ەكٸمدٸگٸنٸڭ باسپاسٶز ورتالىعىندا ٶتكەن بريفينگتە تٸلشٸلەردٸڭ سۇراعىنا جاۋاپ بەرە كەلە ەنۋار جانعوزين قالالىق دامىتۋ ورتالىعىندا بٸرنەشە بالانىڭ ۋلانعانىن راستادى.
«بالالاردىڭ ۋلانۋى بويىنشا ايتا كەتەيٸن. بٸز بۇيرىق شىعاردىق, تيٸستٸ كوميسسييا قۇرىلدى. تەكسەرۋ جٷرگٸزٸپ جاتىرمىز. جۇمىسقا قوعامدىق دەنساۋلىق ساقتاۋ دەپارتامەنتٸنٸڭ دە ٶكٸلدەرٸن تارتتىق. قورىتىندى بويىنشا تيٸستٸ شارالار قابىلدانادى. جەكەمەنشٸك مەكتەپكە دەيٸنگٸ ۇيىمدار جەكە كەسٸپكەرلٸك كودەكسٸ بويىنشا جۇمىس جٷرگٸزەدٸ. ەگەر ناقتى ەسكەرتۋ بەرەتٸندەي كەمشٸلٸكتٸ انىقتاساق, ارى قاراي تيٸستٸ شارا قابىلدايمىز. بۇل جەردە ەڭگٸمە 8-10 بالانىڭ ۋلانۋىندا بولىپ وتىر», - دەدٸ ەنۋار جانعوزين.
بالالاردىڭ ناقتى نەدەن ۋلانعانى بەلگٸسٸز. بٸلٸم باسقارماسى باسشىسىنىڭ ايتۋىنشا, ونىڭ بەرٸن كوميسسييا انىقتايدى.
