© Sputnik / Abzal Kaliev
Kelesi aidan bastap Nur-Sultandaǵy halyqaralyq áýejaidyń ushý-qoný jolaǵyn jóndeý jumystary bastalady. Osyǵan bailanysty ushaqtar túnde qana qona alady, dep habarlaidy Sputnik Qazaqstan.
Azamattyq aviatsiia komiteti taratqan málimetke sáikes, jóndeý jumystary 15 shilde men 8 tamyz aralyǵynda kúndiz júrgiziledi.
Al túnde reisterdi qabyldaý jáne ushyrý sharalary atqarylady.
"15 shilde men 8 tamyz aralyǵynda saǵat 11:00-den bastap 18:00-ge deiin Nur-Sultandaǵy áýejaida ushý-qoný jolaǵyn jóndeý jumystaryn júrgiziledi", - delingen resmi habarlamada.
Komitet mamandarynyń aitýynsha, aqpan aiynda áýe kompaniialaryna tiisti aqparat berildi. Osydan keiin ushý-qoný jolaǵyn jóndeý jumystaryna qarai reisterdiń kestesine túzetý engizildi.
Sondai-aq, memlekettik kúzet qyzmeti men "Búrkit" áýe kompaniiasyna aqparat berildi. Osy uiym memleket basshysyna qyzmet kórsetedi.
