Politsiianyń 102 nómirine saǵat 05:52-de Kenesary-Sembinov kósheleriniń qiylysynda jas jigitterdiń tóbelesip jatqany týraly habarlama kelip túsken. Oqiǵa ornyna politsiia jasaǵy jiberildi, dep habarlaidy Nur-Sultan qalasy politsiia departamentiniń baspasóz qyzmeti.
Janjaldyń jol apaty saldarynan bolǵany anyqtalǵan. BMW kóliginiń 28 jastaǵy júrgizýshisi Sembinov kóshesimen kele jatyp, manevr jasaǵanda jol boiynda turaqqa qoiylǵan, 21 jastaǵy jigit mingen «Toyota» kóligimen soqtyǵysty.
Jol-kólik apatynyń qatysýshylary oqiǵa ornyna dostaryn shaqyra bastaǵan. Jinalǵandar arasynda janjal shyǵyp, arty tóbeleske ulasty.
Tóbeles qatysýshylary arasynda janjal shyǵyp, arty tóbeleske ulasty. Onyń biri eki jas jigitke pyshaq salǵan.
Atalǵan faktimen qylmystyq is qozǵaldy. 29 jastaǵy kúdikti Nur-Sultan qalasy politsiia departamentiniń ýaqytsha izoliatoryna qamaldy.
Kólikter kommýnaldyq avtoturaqqa qoiyldy.
Nur-Sultan qalasynyń politsiia departamenti júrgizýshilerdi jol júrý erejelerin qatań saqtaý týraly eskertedi.
