Sońǵy on jylda elordada týberkýlez aýrýy men týberkýlezden bolatyn ólim-jitim 5 esege azaidy. Bul týraly qalalyq Qoǵamdyq densaýlyq saqtaý basqarmasy basshysynyń mindetin atqarýshy Áliia Rústemova aitty, dep habarlaidy QazAqparat.
«2010 jyly týberkýlezdiń 765 jańa jaǵdaiy tirkelse, 2020 jyly – bul kórsetkish 393 jaǵdaiǵa deiin tómendegen. Týberkýlezge qarsy qyzmettiń jetistikteri qaladaǵy meditsinalyq uiymdardyń jáne qalanyń kóptegen bólimderi men qurylymdarynyń júieli qyzmetimen bailanysty», - dep tolyqtyrdy Áliia Rústemova.
Qazirgi ýaqytta elordada alǵashqy meditsinalyq-sanitarlyq kómek uiymdarynda qala turǵyndaryn profilaktikalyq fliýorografiialyq tekserýden ótkizý úshin 16 statsionarlyq jáne 4 jyljymaly fliýorografiialyq qondyrǵy bar.
«Týberkýlezdi diagnostikalaýdyń sezimtal gendik-molekýlalyq ádisteriniń kómegimen týberkýlez bolýy yqtimal patsientterdi tekserý úshin Nur-Sultanda tórt apparat bar: onyń úsheýi meditsinalyq-sanitarlyq kómek uiymdarynda jáne bireýi qalalyq ftiziopýlmonologiia ortalyǵynda tur. Bul zertteý eki-úsh saǵat ishinde patogenniń bolýyn anyqtaýǵa jáne dárilerge sezimtaldyqtyń bar-joǵyn anyqtaýǵa múmkindik beredi», - deidi Á. Rústemova.
Sonymen birge, spiker ambýlatoriialyq deńgeide em qabyldap jatqan týberkýlezben aýyratyn naýqastarǵa kórsetiletin áleýmettik qoldaý týraly aityp berdi. Buǵan deiin kómek azyq-túlik paketteri men jol kartalaryn bólý túrinde bolsa, 2019 jyldyń ekinshi jartysynan bastap – 10 AEK (29 170 teńge) mólsherinde ai saiynǵy aqshalai tólemder beriledi.
