Elordada offlain rejimde oqityn synyptardaǵy bala sany azaitylýy múmkin. Bul týraly Nur-Sultan qalasynyń bas memlekettik sanitar dárigeri Sarhat Beisenova aityp berdi, dep habarlaidy QazAqparat.
«Nur-Sultan 10 naýryzdan beri «qyzyl aimaqta» tur. Biz jańa toqsannan bastap synyptaǵy bala sanyn azaitý máselesin qarastyrdyq. Ásirese joǵary synyptarda – 15 balaǵa deiin jáne tómengi synyptarda eger «qyzyl aimaqta» qalatyn bolsaq, besinshi synypqa deiin bala sanyn azaitý máselesi qaralady. Balalar kanikýlǵa shyqqan kezde bul másele talqylanyp jatyr», - dedi S. Beisenova elorda ákimdiginde ótken onlain brifingte.
Aita keteiik, elordada qashyqtan oqityndar arasynda KVI juqtyrý jaǵdaiy kóbeigen.
Oqý jylynyń basynan 25 naýryzǵa deiingi COVID-19 jaǵdaiy boiynsha oqýshylar arasynda 1590 jaǵdai tirkeldi.
Onyń ishinde offlain rejimde oqýshylar arasynda 30,6% (1103 jaǵdai), qashyqtan oqityndar arasynda – 69,4%.
Oqý jylynyń basynan beri Nur-Sultan qalasy boiynsha 92 mektep karantinge jabylǵan.
Buǵan deiin Sarhat Beisenova elordadaǵy KVI juqtyrý statistikasyn jariialaǵan edi. Elordada koronavirýs juqtyrǵandar kúnine 150-den 280-ge deiin tirkeledi.
