«Qarasora-2021» jedel aldyn alý sharasy aiasynda politseiler astana aýmaǵyndaǵy esirtki jáne júikege áser etetin zattardy satýmen ainalysatyn adamdardy anyqtaý boiynsha jumystar júrgizýde, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
Jedel-aldyn alý sharalaryn júrgizý barysynda politseiler sintetikalyq esirtki satýmen ainalysqan 21 jastaǵy elorda turǵynyn ustady.
Kúdiktiniń jaldamaly páterin tintý kezinde psihotropty zattar qoiylǵan elektrondy tarazy, esirtkini oraýǵa arnalǵan 350 polietilen paket, 255 000 teńge kóleminde aqshalai qarajat, sonymen qatar satýǵa ázirlengen «sintetikalyq» esirtki tabyldy.
Tárkilengen esirtki dozalary boiynsha bólindi, nátijesinde 90 ret qabyldaýǵa bolatyn doza anyqtalǵan. Kúdikti sintetikany elorda aýmaǵynda satpaq bolǵan.
Atalmysh fakti boiynsha qylmystyq is qozǵaldy. Kúdiktige QR Qylmystyq kodeksiniń 3-bólimi 297-baby «Esirtki nemese psihotroptyq jáne sol tektesterdi zańsyz daiyndaý, qaita óńdeý, alý, tasymaldaý nemese saqtaý» boiynsha aiyp taǵyldy. Ol 15 jylǵa deiin bas bostandyǵynan aiyryp, sonymen qatar aiyptynyń múlkin tárkileýdi qarastyrady.
Kúdikti Politsiia departamentiniń ýaqytsha ustaý izoliatoryna qamaldy.
